Автор: admin

Шығармашылық шеберхана: «Жеңіс күні өз қолыңмен».

9 мамырға арналған қолөнер балаға тақырыптың бүкіл мәні мен маңыздылығын жеткізуге көмектеседі. Шығармашылық жобаны бірлесіп жасаудың арқасында оқушылар арасында салтанатты мерекеге деген дайындықты қалыптастырады. 9 мамырға арналған қолөнерді балалар парадпен, түрлі-түсті ашық хаттармен, шарлармен және отшашулармен байланыстырады. Жұмыстарды жасау үшін қолыңыздағы кез-келген материалдарды пайдалануға болады. Бұл істе ең бастысы — қиял мен тапқырлықты көрсету. Жеңіс күніне біздің балалар керемет түрлі-түсті қолөнер бұйымдарын жасады.

Құрметті, біздің оқырмандарымыз, сіздерді шын жүректен Жеңістің 77-ші көктемімен құттықтаймыз!

Жеңіс деген жақсылықтың сыңары,

Жігер менен құштарлықтың құралы.

Күрескердің арманы мен ұраны,

Қуаныш пен мерекенің бұлағы.

Жеңіс күніне орай «Ақ ниет» мектеп-интернат аумағында Жеңістің 77 жылдығына арналған асфальтқа сурет салу іс-шарасы ұйымдастырылды. Әр бала өзіне берілген аумақта жұмыстарын әдемі орындады. Балалар үлкен қызығушылықпен әртүрлі суреттерді түрлі-түсті бормен салды.

Құрметті әріптестер, оқырмандар! Сіздерді Ұлы Отан соғысы Жеңісінің 77 жылдығымен шын жүректен құттықтаймыз! Ата-бабаларымыздың ерен ерліктерін мәңгі есте сақтап, рухани тағзым ету ретінде жадымызда мәңгі ұстаймыз. Отан үшін от кешкен батыр бабаларымыз ел есінде мәңгі сақталмақ. Сұрапыл соғыстан елімізді аман сақтап, болашақ ұрпаққа аманат етіп қалдырған қазақ батырлары тарих төрінен мәңгілікке орын алсын!

7 мамыр – Қазақстан Республикасының Отан қорғаушылар күніне орай «Ұранды ердің – ұрпағы қайсар» атты патриоттық ерлік сағаты өтті.

Оқушыларға қазақ жауынгерлерінің, қазақ қыздарының ерліктерін насихаттай отырып Отансүйгіштікке, намысшылдыққа, қайсарлыққа, еліне, жеріне деген сүйіспеншілікке, Отанын, елін қорғай білуге тәрбиелеу.

Құрметті оқырмандарым! Сіздерді – Қазақстан халықтарының бірлігі күні мерекесімен шын жүректен құттықтаймыз.
Мамырдың бірінші күндері Қазақстан аса жарқын әрі мейірімді мерекелерінің бірі – Қазақстан халықтарының бірлігі күнін «Ақ ниет» ортақ үйімізде «Татулықтың тұтқасы – бірліктің бесігі» атты ерекше мерекелік іс-шарамен атап өттік. Бұл достық, сыйластық пен ынтымақ мерекесі. Бұл 150-ден астам ұлт мекендейтін елімізде бейбіт өмір сүру үшін талап етілетін қағидалар. Қазақстанның кең шаңырағы астында қазақтар, өзбектер, орыстар, украиндар, неміс, корей, ұйғыр, қырғыз, армян, грузин және көптеген басқа ұлт өкілдері тұрады. Осы ұлттардың әрқайсысы бірегей таптырмас қасиеттерге ие, дегенмен Қазақстан аумағында біз – тату өмір сүретін бір халықпыз. Бірінші мамыр мерекесінің зор мәні де осы.
Сіздерге және жақындарыңызға зор денсаулық, бақыт пен шаттық, мол табыс тілейміз!

Құрметпен, «Ақ ниет» ұжымы

23 сәуірде «Ақ ниет» мектеп –интернатының тәрбиеленушілері №5 кітапхана-филиалына барды. Кітапхана меңгерушісі Гаврюш О.В. 23 сәуірде атап өтілетін Дүниежүзілік кітап және авторлық құқық күніне арналған «Мен кітаппен әлемді ашамын» кітапханалық сабағын өткізді. «Дүниежүзілік кітап күні» презентациясының көмегімен ежелгі дәуірден бастап кітаптың пайда болу тарихы және ол қандай өзгерістерге ұшырағаны туралы айтып берді. Балалармен «Кітап деген не?», «Ол адамдардың өмірінде қандай орын алады?», «Кітап-ақпарат көзі ретінде». Балалар көптеген жаңа және қызықты мәліметтерді біліп, көптеген жағымды эмоциялар мен жарқын әсерлер алды.

Қаламыздың әкімі Жақсылық Омардың сенбілік тазалық жұмыстары туралы тапсырмасына орай Өскеменде жалпы қалалық сенбіліктер басталды. Тазалықты өз ауласынан бастаған жандар қатарында қала тұрғындарынан бөлек, кәсіпорындар ұжымы мен мемлекеттік мекеме қызметкерлері де бар. Біздің «Ақ ниет» мектеп-интернат ұжымы да бұл сенбілік жұмыстарынан қалыс қалмады. «Жұмыла көтерген жүк жеңіл» дегендей қандай да бір іс болмасын көпшілікпен тез бітері анық. «Ақ ниеттің» ауласы тазарып, көктемнің жасыл желекті көркіне дайындық жұмыстары жүргізілуде.

13.04.2022 күні өткізілген «Құқықтық сауаттылық-заман талабы» атты ашық тәрбие сағатына 5,6,7,8-ші топ тәрбиеленушілері қатысты. Олардың негізін жеткіншектік кезеңдегі балалар құрайды. Тақырып балалардың жас ерекшеліктеріне сай және қазіргі уақытта тобымызда өзекті мәселелердің бірі болып тұр. Келген қонақтар психолог, педагог және инспектор өздерінің қатысуларымен өз тараптарынан ықпал жасау, ой салу, кеңес беру мақсатында шақырылды. Ашық тәрбие сағаты барысында сұрақ-жауап, пікірталас, көрініс көрсету, қимыл-қозғалыстағы сергіту сәті өткізілді. «Айтуға оңай» бағдарламасын негізге алып, топтағы қақтығыстар болған жағдайларда балалар өздеріне әділ баға беру, өз құқықтарын жетік білу, құқықтық сауаттылықтарын жан-жақты дамыту міндетті екені ескерілді. 11-15 сәуір аралығында «Мен және менің полицейім» акциясы аясында Өскемен қаласы ПБ Үлбі ПБ ЖПҚБ бастығының орынбасары полиция майоры Әлиқожа Ихрамқожаұлы Оспанов «Ақ ниетке» арнайы келіп, сұрақтарға толық жауап беріп, тәрбиеленушілерімізге қажетті, құнды кеңестер берді.

Отбасылық құндылықтар дегеніміз бір-бірін сүйіп қосылған жанұялардың отбасын сақтау үшін қолданатын ежелден келе жатқан салт-дәстүрі. Әрбір отбасының өз құндылықтары болады. Ол құндылықтар ежелден бері келе жатқан немесе жаңадан шығарылған құндылықтар болуы мүмкін. Бұдан басқа адамдар отбасылық құндылықтарды басты 3 топқа бөледі. Олар дәстүрлі, қазіргі, тәрбиелі отбасылық құндылықтар деп аталады. Біздің «Ақ ниет» атты ортақ үйіміздің отбасылық құндылықтары біздің тәрбиеленушілеріміз үшін өте маңызды.

Отбасылық дәстүрлер балаларды тәрбиелеу үшін негіз болып табылады. Өйткені, отбасыда бала адамдармен өзара әрекеттесудің алғашқы тәжірибесін біледі, адами қарым-қатынастардың көп қырлы екенін түсінеді, рухани, моральдық, ақыл-ойды дамытады. Әрбір үйде орындалатын белгілі бір ережелер мен әдеттер жиынтығы бар. Отбасылық дәстүрлер мен әдет-ғұрыптар қоғаммен қалыпты қарым-қатынас жасауға, отбасының үйлесімді болуына, отбасылық байланыстарды нығайтуға, өзара түсіністікті жақсартуға және жанжалдардың санын азайтуға көмектеседі. #годдетей

2022 оқу жылының 1 сәуірден бастап 1 тамызға дейін ШҚО ББ «Ақ ниет» мектеп-интернаты» 0-1 сыныпқа оқушыларды қабылдайды.Оқыту тілі: қазақша/орысша.

«Ақ ниет» мектеп-интернаты сөйлеу, көру, есту қабілеті, тірек-қимыл аппараты зақымданған, зияты сақталған балаларға арнайы және инклюзивті білім беретін кіріктірілген моделді жүзеге асыратын республика бойынша бірінші мекеме.

1-4 сыныптар білімді мектеп-интернаты қабырғасында алады, 5 -11 сынып балалары жақын маңдағы жалпы білім беру мектептерінде оқыса, 9 сыныптан кейін техникалық және кәсіби білімді Өскемен қаласы колледждерінде алады.

Мектеп-интернатына психологиялық – медициналық — педагогикалық кеңес (ПМПК) тұжырымдамасымен қабылданады. Ата-аналарынан (заңды өкілдерден) балаларды 1 сыныпқа қабылдау өтініші Мемлекеттік көрсетілетін қызмет стандартына сәйкес «Арнайы жалпы білім беретін оқу бағдарламалары бойынша оқыту үшін мүмкіндіктері шектеулі балалардың құжаттарын қабылдау және арнайы білім беру ұйымдарына қабылдау» осы жылдың 1 сәуірден 1 тамыз аралығында қабылданады. Жұмыс кестесі мереке және демалыс күндерінен басқа кезде дүйсенбіден сенбі кешке дейін

Әр ата-ана мектепке өтінішті үйден шықпай онлайн режимде бере алады.

Аталған қызметті ата-аналар электорндық цифрлық қолтанбамен (ЭЦҚ) www.egov.kz порталы арқылы ала алады. Өтініштерді 24/7 режимде беруге болады, осылайша ата-аналар жұмыстан немесе үйден мектепке онлайн режимде өтініш беру мүмкімдігіне ие болады.

Өтініш бере үшін сайтқа кіріп, қажетті ақпаратты толтырып, тиісті құжаттардың сканерленген көшірмерелін тіркеу керек.

Баланың туу туралы күәлік

026/у-3 үлгісі бойынша «Баланың денсаулық құжаты»

063/у үлгісі бойынша баланың денсаулығы жөніндегі құжат;

3*4 өлшеміндегі екі фотосурет.

Қазақстан Республикасының резиденті емес тұлғалар үшін:

Көші-қон карточкасының электрондық көшірмесі.

Құжаттар толық болмаса және скан-көшірмелерді оқу қиын болса, қызмет көрсетуден бас тарту мүмкін.

Компьютер немесе интернет болмаған жағдайда, ата-аналаржақын мандағы мектепке барып, қызметкерлерден көмек сұрай алады.

«Ақ ниет» мектеп-интернатында заманауи материалды-техникалық жарықтар және құрылғылар бар, кедергісіз орта ұйымдастырылған, тұруға ыңғайлы жағдай жасалған. Тәрбиеленушілер арнайы сала мамандары (дефектолог, логопед, тифлопедагог) қызметіне жүгіне алады, психологиялық-медициналық-педагогикалық жетелеу, қосымша білім берумен қамтамасыз етіледі. Барлық педагогикалық және медициналық мамандар арнайы даярлықтан өткен.

Орналасқан жері: Өскемен қаласы, Севастополь көшесі, 6/2, «Ивушка» дүкенінің маңында.

Қосымша ақпаратты сайттан алуға болады: www.vko-akniet.kz (Яндекс жүйесінде іздеп көру), сонымен қатар мына телефондар арқылы: 8 (7232) 54 48 21, 8 (7232) 21 55 19, сот 8 7778568260