Жаңа жыл – әлемдегі қуанышқа толы ең ғажайып мерекелердің бірі. Жаңа жыл сиқырлы, әрі қайталанбас таңғажайып мереке деп саналады.
Бүгін 26.12.2023 ж 0»ә» және 2»ә» сынып тәрбиеленушілерінің «Қош келдің, сиқырлы Жаңа жыл!» атты ертеңгілігі өтті. Балалар сиқыршы-феямызбен бірге мультфильмдер әлеміне саяхат жасады.
Балалар Жаңа жыл, қыс мезгілі туралы тақпақтарын нақышына келтіре айтып, хормен «Шырша»,»Жаңа жыл» әнін орындады.Сондай-ақ Ақшақар биін билеп өте қызықты ойын түрлерін көрсетіп, өз өнерлерін паш еткен бүлдіршіндер Аяз ата дорбасынан сыйлық тәттілерін алып мерекелік жақсы көңіл күймен аяқталды.
Біз ғажайыптар мен армандарға сенетін болсақ, олар міндетті түрде орындалады, әсіресе жаңа жыл қарсаңында. Облыс әкімі Е.Көшербаевтың атынан «Қош келдің жаңа жыл» мерекесінде «Ақ ниет» мектеп тәрбиеленушілеріне осындай тілектер айтылды. Ертегі әрекетінің кейіпкерлерімен бірге балалар қуана ойнап, көңіл көтере алды. Балалар алдында әкімнің орынбасары Д. Сапанов құттықтау сөз сөйлеп, ертегі іс-шарасының соңында балаларға тәтті сыйлықтар мен сертификаттар табыс етілді. Өңір әкімі Ермек Беделбайұлы мен білім басқармасының балалары мен ата-аналарының атынан жаңа жылдық іс-шараға қатысуға мүмкіндік бергені үшін, сондай-ақ балаларымызды қолдағаны, қуаныш пен керемет көңіл-күй сыйлағаны үшін алғыс айтамыз!
«Ақ ниет»мектеп интернатының 2 және 3 сынып тәрбиеленушілері «Жаңа жыл» мерекесіне орай «Химия-биология бағытындағы Назарбаев Зияткерлік»мектебі ұйымдастырған ертеңгілікке қатысып келді.
Мектеп табалдырығын аттағаннан бастап бізді жылы шыраймен қарсы алып,ерекше ,ғажап көңіл -күй сыйлады. Ертеңгілік барысында әр-алуан кейіпкерлері ұйымдастырған ойындар мен әсем ән,көңілді билерімен балаларды баурап алды. Аяз ата мен Ақшақар оқушылардың әзірлеген өлеңдерін, әндерін тыңдап тәтті сыйлықтарын тарту етті.Мереке соңында балаларға сыйлықтарын үлестірді.Балалар жақсы көңіл күймен тарқады.
«Химия-биология бағытындағы Назарбаев Зияткерлік мектебі» директорының тәрбие ісі жөніндегі орынбасары Мухтарханова Гульшат Токтасыновнаға, «Қоғамға қызмет» жобасының координаторы Куадыкова Толқын Талгатовнаға осындай іс- шара өткізгендері үшін өз алғысымызды білдіреміз.
Білім мен ғылымға арнаған істеріңіз абыройлы болып, құрметтеріңіз әрдайым арта берсін!
Болашақтың тұғыры жастарымыз білімді де іскер болсын!Тәуелсіз еліміз көркейіп, өркендей берсін. Мерейлі мерекелеріңіз құтты болсын, қымбатты Қазақ елі!
2023 жылдың 12 — желтоқсан күні Қазақстан Республикасының Тәуелсіздік күніне арналған «Я, ты, он, она — вместе дружная семья!» жобасы аясында ерекше білім беру қажеттіліктері бар балалардың қатысуымен өткізілген «Дарын қанатында» атты қалалық байқау фестивалінде «АҚНИЕТ» мектеп интернатының «Көктерек» домбырашылар ансамбльі жүлделі орынға ие болды! Ансамбль қатысушыларына, ата- аналарға ерекше алғыс білдіре отырып, шығармашылық табыс пен жаңа жетістіктер тілейміз! Педагог: Елюбаева С.Р.
01.12.2023 ж. «Ақ ниет» мектеп-интернаты» басазында ШҚО Білім басқармасының «ORKEN» Шығыс Қазақстан өнерлік білім беруді ақпараттандыру және дамыту ғылыми-әдістемелік орталығының ұйымдастыруымен «Жалпыұлттық басылымдықтар: Сапалы білім беру бәріне қолжетімді» тақырыбында диалог алаңын өткізді.
Диалог алаңына қатысушылар: ШҚО Білім басқармасының «ORKEN» Шығыс Қазақстан өнерлік білім беруді ақпараттандыру және дамыту ғылыми-әдістемелік орталығының мамандары, ШҚО арнайы мектеп-интернаттары мен білім беру ұйымдарының мұғалім-логопедтері және дефектологтары.
Мақсаты: Ерекше білім беру қажеттіліктері бар балалармен сапалы білім беру деңгейін үнемі арттыру мәселелерін талқылау, психологиялық-педагогикалық қолдау мамандарының заман талабына сай құзіреттілігін арттыру.
Диалог алаңын өткізу барысында педагогтар арнайы сала мамандарының жұмысындағы өзекті мәселелерді талқылады. Жас мамандармен өзара әрекеттесуді ұйымдастырып, оларға қолдау көрсетті.
Сабақ барысында алдыға қойылған барлық міндеттер жүзеге асырылды.2 «А» сынып оқушысы барлық тапсырмаларды қызығушылықпен орындады.Сабақта әртүрлі логопедиялық әдіс-тәсілдер қолданылды. Кәсіби сенсорлы “Ақылды айна” құрылғысы,нейроскакалка көмегімен жаттығулар жасап,оқылым мен жазылымға көңіл бөлінді.
Апта бойы түрлі коррекциялық ойындар және іс-шаралар, ашық түзете дамытушылық арнайы сала мамандарының сабақтары өткізіледі. Сонымен қатар бүгін бірінші күнді МО жетекшісі тифлопедагог
Енсебаева Сауле Қурмангалиевна өзінің түзете дамытушылық сабағымен бастады. Сабақтың тақырыбы «Қозғалыс процесінде кеңістікті бағдарлауды дамыту» және
«Қазақстан қалаларына саяхат» атты 2-сынып балаларына арналған ашық сабақ өткізілді.
