Автор: admin

3 ақпанда жаратылыстану пәні бойынша «Тірі ағзалардың қасиеттері» тақырыбында өзін-өзі оқытуды ұйымдастыру өтті. Тәрбиеленушілер  зерттеудің негізгі әдістері туралы, тірі ағзалардың белгілері туралы, тірі және жансыз денелердің айырмашылығы туралы білімдерін қайталады. Балалар табиғат дыбыстарын тапты, тірі ағзалардың қасиеттеріне қарай кластер құрады. «Көбелектер» атты тыныс алу жаттығуларын және көзге  арналған гимнастика өткізді.

3 ақпан  күні 1 «ә» сынып оқушыларымен ана тілі пәнінен буын, тасымал тақырыптары бойынша өзін-өзі оқыту жұмысы ұйымдастырылды.  Оқулықпен жұмыс жасалып, тынығу сәтінде көзге, саусаққа арналған жаттығулар жасалды. Үй тапсырмасын бекіту барысында ойын элементтері сәтті пайдаланды.

Педагог-тәрбиеші: Малтаева Г.С.

1 ақпан күні қазақ әдебиеті пәні бойынша өзін-өзі оқытуды ұйымдастыру барысында 6 сынып оқушылары Сайын Мұратбековтың «Жусан иісі» шығармасынның екі бөлімін оқып, талдап, мазмұндап, бірқатар жаңашыл әдістер қолдану арқылы тапсырмалар орындады. «Сұрақ қоймасында» жасырынған тапсырмаларды  балалар  бір-бірден алып-жауап берді. Оқулықпен жұмыс жасалып, тынығу сәтінде  көзге, саусаққа арналған әртүрлі көңілді жаттығулар жасалды. «FILA толтыру»  әдісі бойынша үй тапсырмасы тексерілді. «Екі жұлдыз, бір тілек» әдісі бойынша балалардың өздері сабаққа дайындық  деңгейін сәтті бағалады.

Педагог-тәрбиеші: Туйебаева А.К.

«Қызықты математика» аралында  математика пәнінен үй тапсырмасын орындау барысында жаңашыл, әрі жеңіл әдіс-тәсілдерді қолдану.

Педагог-тәрбиеші: Сулейменова А.С.

Шығыс Қазақстан облысы білім басқармасы   «Ақ ниет» мектеп-интернаты» КММ 2023-2024 оқу жылына 0-4 сыныпқа оқушылар қабылдайды. Оқыту тілі: қазақша/орысша.

«Ақ ниет» мектеп-интернаты сөйлеу,  есту, көру, тірек-қозғалыс аппараты бұзылған, интеллектісі сақталған балаларға арналған арнайы мектеп болып табылатын және балалардың  жалпы білім беру жүйесіне енуге жағдай жасап отырған республикадағы жалғыз мекеме болып табылады.

Бастауыш білімді мектеп-интернаты қабырғасында алады, 5 пен 11 сынып балалары инклюзивті  жақын маңдағы жалпы білім беру мектептерінде оқиды, 9 сыныптан кейін техникалық және кәсіби білім Өскемен қаласы колледждерінде жүзеге асады.

«Ақ ниет» мектеп-интернатында қалалық емес балалардың білім алуы мен тұруға ыңғайлы жағдай жасалған, кедегісіз орта ұйымдастырылған, оқу кабинеттері заманауи құрылғылармен жабдықталған.

Тәрбиеленушілер арнайы педагогтардың  (логопед, тифлопедагог, сурдопедагог, дефектолог) коррекциялық түзетуі,  психологиялық-медициналық-педагогикалық жетелеуі сонымен қатар балалар қосымша білім берумен қамтылады. Педагогикалық ұжым арнайы даярлықтан өткен.

Мектеп-интернатына психологиялық – медициналық — педагогикалық кеңес (ПМПК) тұжырымдамасымен қабылданады. Ата-аналарынан (заңды өкілдерден) балаларды 0 сыныпқа  қабылдау  өтініші Мемлекеттік көрсетілетін қызмет  стандартына сәйкес «Отбасы және балалар саласында мемлекеттік қызметтерді көрсету» осы 2023 жылдың 01 сәуір 01 тамыз аралығында қабылданады. Жұмыс кестесі мереке және демалыс күндерінен басқа кезде дүйсенбіден сенбі кешке дейін.

Орналасқан жері: Өскемен қаласы, Севастополь көшесі, 6/2,  «Ивушка» дүкенінің маңында.

Қосымша ақпаратты сайттан алуға болады: www.vko-akniet.kz (Яндекс жүйесінде іздеп көру), Фейсбук парақшасы https://www.facebook.com/profile.php?id=100059250771066&mibextid=ZbWKwL, Инстаграм https://instagram.com/schoolakniet_2016?igshid=ZDdkNTZiNTM= сонымен қатар мына  телефондар арқылы: 8 (7232) 54 48 21, 8 (7232) 21 55 19, сот 8 7778568260.

30 қаңтар күні әдістемелік  апталық барысында педагог-тәрбиешілер: «Мектеп-интернатта өзін-өзі оқытуды ұйымдастыру әдістемесі» тақырыбында семинар-практикум өткізді.

Семинар тақырыбы бүгінгі таңда өте өзекті. Қысқа уақыт ішінде өте үлкен көлемдегі материал беріледі – бұл үлкен плюс. Артық ештеңе жоқ, Барлық жүргізілген жұмыстар  тек семинар тақырыбы бойынша болды. Жағымды, еркін қарым-қатынас және сұрақтар қою және сауатты жауаптар алу мүмкіндігі жасалған. Дидактикалық ойындар мен релаксация, түзету жаттығулары өткізілді. Ұстаздар ұжымына бір ғана тілек бар  – мұнымен тоқтап қалмай, тек алға ұмтылу!

Мектеп – кеме, Білім — теңіз,
Барар жолға тез жетеміз.
Адаспаймыз ұлы жолда
Ұстаз берген білім қолда.

30 қаңтар күні  педагог-тәрбиешілірдің мектеп-интернатта өзін-өзі оқытудың  әдістемелік апталығының ашылу  салтанаты болып өтті.

Өмір — теңіз, тағдыр — кеме, ал кемең суға батпас үшін өз тобыңда өзің капитан болуың керек. Балаларға білім мен тәрбие әлеміне бастайтын қызықты сапарда сәтті жүзуді, шексіз әрі сапалы жетістіктер мен табысқа жетуді тілейміз! «Қазыналы аралдар» құпиясын бәріміз бірге ашайық!

Қаңтар айында тоғызқұмалақтан облыстық іріктеу жарысы өтті, оған облыс, республиканың неше дүркін чемпионы _Қилыбаева Гульжан Хамитовна, Нуксарина Айгуль Айдарбековна, Жумаділов Болат Шәкейұлы, 10дүркін әлем чемпионы, бапкер, ардагер тоғызқұмалақшы және кәсіпқой тоғызқұмалақшылар: Шәку Семей және көптеген тоғызқұмалақ сүлейлері өнерлерін паш етті. Бұл үлкен іс-шараға «Ақ ниет» мектеп-интернатынан директордың оқу ісі жөніндегі орынбасары Жалаушинова Л.М. әуесқой ойыншы ретінде қатысып, керемет әсер алып  қайтты.

Тоғызқұмалақ төрт мың жылдық тарихы бар бірегей ұлттық ойын. Ол шығармашылық пен логиканы дамытады, сол себепті де бұл ойын жас ұрпақ арасында кеңінен танымал. Ойынға қызығушылық таныту – өз халқының тарихы мен мәдениетіне жақындай түсу деген сөз.

Ұстаздан шәкірт озса игі іс дегендей, қанашама кәсіпқой ойыншылардың жас шәкірттері керемет ойын көрсете білді. Егемен еліміздің бүгінгі жастары ата-бабадан қалған алтын мұраны қолға алып, шахмат, дойбы секілді ойындармен теңестіріп, ұлттық құндылықтарды, қазақ халқының киелі өнерін келешек ұрпаққа жеткізу біздің міндетіміз деп таныса нұр үстіне нұр болары сөзсіз.

Мектеп жоспарына сәйкес 06.01.2023 ж. педагогикалық кеңес өткізілді. Педкеңесте ІІ тоқсан мен І жартыжылдық оқу және тәрбие бағдарламасының тыңғылықты орындалуы айтылып өтті. Тәрбиеленушілердің  білімдеріндегі олқылықтарды жою және олардың орнын толықтыру бойынша қосымша жұмыстар тізбегі беріліп, қысқы демалыс кезіндегі қауіпсіздік шаралары туралы айтылды. ІІІ тоқсанға жоспарланған оқу және тәрбие жұмыстары бойынша жоспарлар бекітілді.

Педагогикалық кеңестің тақырыбы: «Мектеп-интернаттағы үйірмелер және тәрбиеленушілердің бос уақытын ұйымдастыру  — тиімді әлеуметтендіру құралы».  Бүгінде үйірме атаулының сан түрі бар. Әлбетте сұраныс болғаннан кейін ұсыныс та көбейіп келеді. Жеткіншектің бос уақытын ұтымды пайдалану, бойда ашылмай жатқан сан қырлы талантты ұштап, өрбітуге мүмкіндік беретін тәрбие жолы десек қателеспейміз. Уақытты тиімді өткізу әсіресе бала тәрбиесінде өте маңызды. Баланың уақытын қалай басқарған жөн? Оны қандай үйірмеге берген дұрыс? Осы сұрақтар төңірегінде әңгіме жүргізіліп, ұсыныстар жасалды.

1. Сурет байқауы: «Сиқырлы сөздерді білемін» (0-4кл)

2. Эссе: «Ата-анама алғысым шексіз» (5-8кл)